INUNNUT INUIAQATIGIINNULLU TUNNGASUNIK ILISIMATUSARNEQ

Kalaallit Nunaanni inunnut inuiaqatigiinnullu tunngasunik ilisimatusarneq Kalaallit Nunaanni Danmarkimilu ilisimatusarfinni arlalinni ingerlanneqarpoq.

Kalaallit Nunaanni inunnut inuiaqatigiinnullu tunngasunik ilisimatusarneq pingaartumik Ilisimatusarfimmi ingerlanneqarpoq. Taassuma saniatigut Meeqqat inuusuttullu pillugit ilisimasaqarfik (MIPI), Nunatta Katersugaasivia Allagaateqarfialu kiisalu Groenlandica ilisimatusarnermik ingerlataqarput.

Ilisimatusarfik

Instituttit pingasut Ilisimatusarfimmiipput:

Ilimmarfimmi instituttit

• Ingerlatsinermik immikkoortortaqarfik
• Oqaasilerinermik, Atuakkialerinermik Tusagassiuutilerinermillu immikkoortortaqarfik
• Inuiaat Piorsarsimassusaasalu oqaluttuarisaanerannik immikkoortortaqarfik
• Upperisarsiornermi immikkoortortaqarfik
• Isumaginninnermi immikkoortortaqarfik
• Tusagassiornermik immikkoortortaqarfik

Peqqissaanermik ilisimatusarfik

Ilinniarnermik ilisimatusarfik

• Ilinniarfissuaq – Ilinniartitsisunngorniarfik,
• Inerisaavik – Ilinniaatsinut immikkoortortaqarfik

Ilisimatusarfik pillugu paasissutissat sukumiinerusumik nittartakkami uani takuneqarsinnaapput: www.ilisimatusarfik.gl

Kalaallit Nunaanni Naatsorsueqqissaartarfik

Naatsorsueqqissaartarfik misissuinerit imissutigineqartut ilisimatusarnermullu peqataanerit suliarisarpai.

Naatsorsueqqissaartarfik pillugu nittartakkami uani sukumiinerusumik takuuk: www.stat.gl

Meeqqat Inuusuttullu Pillugit Ilisimasaqarfik (MIPI)

Meeqqat inuusuttullu pillugit Ilisimasaqarfik (MIPI) meeqqat inuusuttullu pillugit ilisimasanik ingerlatitseqqiisartuuvoq.

MIPI pillugu nittartakkami uani sukumiinerusumik takuuk: www.mipi.gl

Groenlandica

Groenlandica Kalaallit Nunatta Inuiattut Atuagaateqarfigaa, tassani pingaar-nertut suliassaavoq Kalaallit Nunatta kulturikkut naqitanik kingornussaasa isumannaatsuutinnissat innarlernaveerneqarnissaallu.

Groenlandica pingasuvinnik katersugaateqarpoq:

• Inuiattut katersugaatit
• katersugaatit immikkut ittut
• katersugaatillu attartorneqarsinnaasut

Groenlandica Ilimmarfimmi inissisimavoq, aaqqissuussaanikkulli Inuiattut Atuagaateqarfik Nunatta Atuagaateqarfiata (Det grønlandske Landsbibliotek) immikkoortuatut inissisimalluni. Atuakkanik atorniartarfik tamanut ammavoq.

Groenlandica pillugu nittartagaq una sukumiinerusumik takuuk: www.groenlandica.gl

Inerisaavik – ilinniagaqaqqinneq/nangitsiviusumik ilinniartitaaneq

Meeqqat atuarfianni perorsaanermik ilinniartitsinermillu atuartitsisut ilinniagaqaqqinnerat / nangitsiviusumillu ilinniartitaanermik ingerlatsinerat diplom-tut, master-tut kandidatitullu. Aammalu fagimi siunnersuisartutut, atuartitsissutissanik ineriartortitsisutut, pikkorissarnertigut, taamatullu atuarfiup ingerlaneranut nalilersuisinnaasutut.

2011-mi diplom-mut, master-mut kandidatimullu, pikkorersarnernullu allanut aningaasat ingerlatsinermi atugassat Inerisaavimmit Ilinniartitsisunngorniarnissamut, tassanngalu aqutassanngorlugit nuunneqartut.

Inerisaavik pillugu nittartakkami uani sukumiinerusumik takuuk: www.inerisaavik.gl

Nunatta Katersugaasivia Allagaateqarfialu

Nunatta Katersugaasiviata Allagaateqarfiatalu kulturikkut oqaluttuarisaanermik ilisimatusarneq ingerlataraa. Kalaallit Nunaata oqaluttuarisaanera piffissaq tamaat pisukkaarlugu apeqqutigineqartartut itsarnitsanik ilisimatusarnermi aallaavigineqarpoq. Inuiaqatigiilerinermut kulturimullu tunngasunik misissuinermi kalaallit atisatoqaat kulturilu aallaavigineqarput, oqaluttuarisaanermullu tunngasut nunasiaateqarnermut sammitinneqarlutik. Taassuma saniatigut Nationalmuseumi kulturikkut oqaluttuarisaanermut eqqissisimatitsinermullu tunngasunut tamanut akisussaasuuvoq aatsitassarsiorfinnullu nukissiorfinnullu arlalinnut siunnersuisartuulluni.

Nunatta Katersugaasivia Allagaateqarfialu pillugit nittartakkami uani sukumiinerusumik takuuk: www.natmus.gl

Inunnut inuiaqatigiinnullu tunngasunik ilisimatusarneq

Ilisimatusarfiit arlallit Kalaallit Nunaanni pissutsinik ilisimatusarnermik ingerlataqarput. Ilisimatusarfigineqartut pingaaruteqarnerit tassaapput:

• The International Work Group on Indigenous Affairs nunap inoqqaavi pillugit ilisimatusartoq ilaatigut nunanut issittumiittunut tunngassuteqartunik. Tamanna pillugu nittartakkami uani sukumiinerusumik takuuk: www.iwgia.dk

• Kulturitigut pisinnaatitaaffinnik ilisimatusaatit (Retskulturelle Studier) (CRS) København-p Universitetiata Centeriani nalagaaffiup – inuiaallu pisinnaatitaaffiinut tunngasut (stats- og folkeretslige) naalagaaffeqati-giinnerup iluani qitiutinneqarput inooqatigiit pissutsimikkut pisinnaatita-affii (retssociologi) aallaavigalugit. Pineqartut nittartagaq una ammarlugu qimerluukkit: http://jura.ku.dk/crs/

• Institutimi Kulturit killingi akimorlugit – Nunallu immikkoortuini tunngasunik ilisimatusaatit (Tværkulturelle og Regionale Studier) København-p Universitetiani, ilisimatusarneq qulequttanut makkununnga  sammisa-qarfiuvoq, tassalu Kalaallit Nunaata nunasiaataalerneranit pisimasunut, eskimuut oqaasinut taamatullu kulturitigut aammalu inuiaqatigiit pissu-saannut tunngasut.  Pineqartut nittartagaq una ammarlugu qimerluukkit: http://tors.ku.dk

• Aalborg Universitet-ip inuiaqatigiilerinermi nunarput pillugu kiisalu nunap aningaasarsiornerullu pilersaarusiorneqarnera samminerullugit ilisimatusarneq ingerlanneqarpoq. Nittartagaq una sukumiinerusumik takuuk: www.aau.dk

• Naalagaaffiup Inuiaat Peqqissusiannut Institutia (Statens Institut for Folkesundhed) (SIF) Kalaallit Nunaanni inuiaat peqqissusiat inuiaqatigiit  pissusaannut tunngasut aallaavigalugit isiginneriaatsit. Pineqartut nittar-tagaq una ammarlugu qimerluukkit: www.si-folkesundhed.dk
• Nordregio – Nordic Centre for Spatial Development, tassavoq nunat avannarliit ministerrådiata ilisimatusarnikkut centeria nunap immikkootuisa ineriartornissaat siunertaralugu (Nordisk Ministerråds forskningscenter). Pingaarnertut ilisimatusaat Kalaallit Nunaanni tama-tullu Issittumilu inuiaqatigiit pissusaannut tunngasut allanngoriartor-nerat. Centerittaaq ingerlatara nunat avannarliit ministerrådiata issitumi ilisimatusarnikkut programmia. Pineqartut nittartagaq una ammarlugu qimerluukkit: www.nordregio.se

Inuit kulturiannik ilisimatusarfik aamma Issittumi ilisimatusarneq

Inuit kulturiannik Ilisimatusarfimmi aamma Arktiske Studier ved Institut for Tværkulturelle og Regionale Studier Københavnip Universitetianut atasumi oqaatsinut, kultureqarnermut inuiaqatigiinnullu tunngasunik ilisimatusarnernut tunngasut ilinniartitsissutigineqarput ilisimatusarfigineqarlutillu. Nunat sumiiffii tunngavigalugit ilisimatusarnerit Kalaallit Nunaanni, Canadami, Alaskami Sibeeriamilu inuit najugaannut sammisitaanerupput, Kalaallilli Nunaat pingaarnerutillugu. Kalaallit oqaasii allanertat oqaasiisut ilinniartitsissutigineqartarput.

Nittartagaq una sukumiinerusumik takuuk: http://eskimologi.ku.dk

Center for Grønlandsforskning

Kalaallit Nunaanni Qitiusumik ilisimatusarfik (SILA) Københavnimi Nationalmuseumip ataaniittoq 1999-mi pilersinneqarpoq. 2009-mili SILA – Arctisk Center ved Etnografisk Samlingimik taaguuteqalerpoq. Avannaarsuani Atlantikullu avannaatungaani itsarnisarsiornermut oqaluttuarisaanermullu ilisimatusarnikkut qitiuvoq. Qitiusumik ilisimatusarfiup Nunatta Katersugaasivia Allagaateqarfialu qanimut suleqatigai.

Tamanna pillugu nittartakkami uani sukumiinerusumik takuneqarsinnaapput: www.natmus.dk